#قصة_سيدنا_موسى_الحلقة_الخامسة
#العجل_والسامري_وكفر_بني_إسرائيل
#التيه_40_سنة_يتيهون_في_الصحراء؟!
جاء الوحي لسيدنا موسى وهو في طريقه لفلسطين ، ربنا أمره انه ياخد بني اسرائيل ويروحوا على جبل الطور ليلتقي الله مع موسى وبني اسرائيل ليعطيهم التوراة شريعة لبني اسرائيل من الله..
سيدنا موسى استعجل لقاء ربنا كان مشتاق للقاء ربنا واخذ شريعته ، قال سيدنا موسى لبني اسرائيل:
- القحوا بي لجبل الطور وانا سابقكم الى ربي سيعطيني التوراة شريعة لكم
قبل ما يتركهم سيدنا موسى قال لسيدنا هارون انه هيكون مسئول عنهم وبلغه أن يلحقه ببني إسرائيل لجبل طور سيدنا..
فعلا سيدنا موسى راح على جبل طور سيدنا ، ٣٠ يوم تعبد وصوم لله ، في اليوم ال٣٠ سيدنا موسى أفطر ، ربنا قال لموسى:
- يا موسى فلما أفطرت؟
رد موسى على ربنا:
- رائحة فمي كريهة ما حبتش أحدثك ورائحة فمي متغيرة
ربنا قال لموسى عليه السلام:
- انت يا موسى لا تعلم أن رائحة فم الصائم أفضل عندي من رائحة المسك! يا موسى ابقا عشر ايام آخرون !
ربنا زاد على ال٣٠ يوم عشر أيام فأصبحوا ٤٠ يوم صامه سيدنا موسى عليه السلام...
بعد العشر ايام ربنا كلم سيدنا موسى وقال:
- ما أعجلك عن قومك يا موسى؟!
رد موسى على ربنا وقال:
- هم على اصري يا رب استعجلت لقائك شوقًا
سيدنا موسى تمنى رؤية الله فقال لله:
- ياربي طمعان اني اشوفك
ربنا رد على موسى:
- يا موسى لن تستطيع ان تراني ، المؤمن يرى ربه في الاخرة لكن في الدنيا لا يراني بشر ، اسمع يا موسى انظر للجبل فلو استقر في مكانه تستطيع ان تراني؟!
ربنا تجلى للجبل ، سيدنا موسى شاف مشهد رهيب؟ الجبل انهار! تفتت لحتت! في اللحظة دي سيدنا موسى صُعق! من شدة الرهبة والخوف من المشهد ماقدرش يقف مكانه فوقع على الارض واغمى عليه!.. ولما فاق سجد لربنا وهو بيقول:
- ما اعظمك يارب وما اعظم شأنك توبة إليك وأنا أول المؤمنين
مفيش بشر يقدر يشوف ربنا ، فلما ربنا ضرب لسيدنا موسى مِثال وقال لو الجبل استقر مكانه هتقدر تشفني ، الجبل اكتر شيء بالنسبة لنا ثابت فلما يندك فده ميحصلش غير بشيء اقوى من الجبل ، فالمبدأ هنا لما الجبل اندك مكانه وسيدنا موسى شاف ده اتأكد انه مستحيل يشوف ربنا لأنه شيء عظيم مش هيستحمل نوره...
بعد الموقف العظيم ده ربنا قال لسيدنا موسى:
- يا موسى إني اصطفيتك على الناس برسالاتي وبكلامي فخذ ما آتيتك وكن من الشاكرين
ربنا أعطى لسيدنا موسى الألواح؟ ألواح من الحجارة مكتوب عليها التوراة ، فيها شريعة لبني اسرائيل ، كل تفصيلات حياتهم ، عن عبادتهم وصلاتهم ، وحظر بني إسرائيل اللي هيكفر بالتوراة شريعة الله يصيبه عذاب شديد!
ده عن لقاء موسى عليه السلام بربنا على جبل الطور..
ليه بني اسرائيل لم يلحقوا بسيدنا موسى زي ما قال لسيدنا هارون ؟! مش سيدنا موسى قبل ما يستعجل ويجري على جبل الطور وهو مشتاق للقاء ربنا ، بلغ بني اسرائيل انهم يلحقوا بيه لجبل الطور وجعل سيدنا هارون مسؤول عن توصيلهم لسيدنا موسى ؟!
بني إسرائيل مالحقوش بسيدنا موسى لأنهم تكاسلوا قالوا لسيدنا هارون لما أمرهم أنهم يلحقوا بموسى لجبل الطور:
- يا هارون احنا تعبانين مش هنقدر ناخد كل المسافة دي تاني! احنا هنفضل هنا منتظرين موسى!..
فضل سيدنا هارون يَحُث بني اسرائيل انهم يتحركوا لكنهم رفضوا...
مر ٣٠ يوم وسيدنا موسى مرجعش من جبل الطور استغربوا ازاي سيدنا موسى تأخر عن ميعاد رجوعه؟! تشاوروا ما بينهم وقالوا مستحيل نبي الله يتأخر غير بسبب؟! اكيد في شيء حصل ؟! سيدنا هارون قالهم:
- اكيد عملتوا معصية وهي سبب تأخر موسى
ردوا بني اسرائيل وقالوا:
- لأ معملناش معصية
واحد آخر من بني إسرائيل قال:
- آه في دهب النساء كانوا بيستعيروه من نساء مصر فلما خرجنا من مصر ملحقوش يرجعوا تاني!
رد سيدنا هارون وقال:
- نعم دي أوزار؟! ذهب مش من حقكم وفي نفس الوقت مش هتقدروا ترجعوا تاني للمصريين؟! الحل اجمعوا كل الذهب ده وادفنوه
فعلا جمعوا بني اسرائيل الذهب ودفنوه ، لكن في رجل وسط بني اسرائيل ، شخص غريب ، يخفي كفره ويظهر إيمانه!
اسمه ( السامري ) ربنا أخبر سيدنا موسى بالسامري وأنه ضل قومه وجعلهم يسجدوا لغير الله!
السامري عمل ايه؟!
ربنا أده للسامري قدرة عظيمة محدش من البشر خدها غير الأنبياء؟ السامري شاف حصان سيدنا جبريل عليه السلام وهو يحرك أقدامه على الأرض لما كان بيغرق فرعون!
لما شاف السامري الحصان أخذ من أثره؟!
وعدى البحر بعدها مع بني إسرائيل..
لما سيدنا موسى أتأخر عشر ايام عن ميعاد رجوعه السامري أخدها فرصه ، ليه عشان يضل بني إسرائيل ؟!
عمل ايه؟ بعد ما الدهب اتدفن قال لبني إسرائيل:
- موسى نسي ربه؟!
استغربوا بني إسرائيل كلام السامري فقالوا:
- تقصد ايه يا سامري بنسى موسى ربه؟!
رد السامري:
- رب موسى هنا لكنه اضل الطريق!
زاد استغراب بني إسرائيل وقالوا:
- كفاك غموض أين هو الله؟
السامري قال:
- أجمعوا لي الذهب و انا هخليكم تشوفوه الله!
جمعوا بني اسرائيل الذهب ، أمرهم السامري يسيحوا الذهب بعد ما جمعوه ، سيحوا الذهب والسامري صنع لهم تمثال ضخم ، صنم لعجل!
أخذ السامري أثر سيدنا جبريل ونثره على العجل ، أول ما عمل كده العجل خرج منه صوت ك الخوار! وهو صوت البقر!..
وفي الآخر قال لهم:
- ده إلهكم وإله موسى! ولما يرجع موسى هيعبد العجل زيكم! هو نسي ان ربنا هنا ودلوقتي يرجع ويلحق بكم ويعبد العجل!
بني اسرائيل بيلفوا حوالين العجل وتمجيد وتهليل وعباده له من دون الله! سيدنا هارون غضب وقال لبني اسرائيل:
- اللي بتعملوه ده كفر بالله اتقوا الله وارجعوا لربكم!
ردوا بني اسرائيل على سيدنا هارون وقالوا:
- لما يرجع موسى هنترك عبادة العجل! لكن طول ما هو غايب عنا هنفضل نعبد العجل! سيبنا يا هارون وإلا قتلناك!
هددوا سيدنا هارون بالقتل ، كان في سبعين رجل من بني إسرائيل فضلوا على عبادة الله وماعبدوش العجل وكان عددهم صغير وسط الاغلبيه من بني اسرائيل ضلوا طريقهم وعبدوا العجل!..
فخاف سيدنا هارون يروح لسيدنا موسى ويبلغه باللي حصل..
فـ هيحصل أنشقاق ما بينهما ويزداد غضب سيدنا موسى ويتهمه انه سبب في ضلال بني إسرائيل!
فقرر ينتظر سيدنا موسى
رجع سيدنا موسى وهو في قمة الغضب ، راح على سيدنا هارون ، سيدنا موسى كان قوي جدا وحتى ف غضبه كان شديد ، لدرجة انه مسك سيدنا هارون بقوة ودفع سيدنا هارون ع الارض من شدة الغضب وانه ما نفذش أمره بأنه نائب له وازاي ترك السامري يعمل كده واضلال قوم بني إسرائيل!..
شدة غضب سيدنا موسى على سيدنا هارون وعلى قومه ، كان رد فعل مغاير مع السامري ،
راح للسامري وقال له بكل هدوء:
- ايه اللي انت عملته ده يا سامري؟! انت عملت شيء عظيم كُفر بالله بعد إيمانك وضلالك لقومي!..
السامري رد على سيدنا موسى بكل هدوء وبرود:
- نفسي دفعتني فقبضت قبضة من أثر الرسول
رد سيدنا موسى عليه وقال:
- انت ملعون الى يوم القيامة ، ليك في الحياة انك تقول لا مساس ، ده هيكون عقابك في الدنيا إلى أن تلقى عذاب الاخرة!..
بعدها سيدنا موسى قال للسامري:
- انظر لما صنعته يا سامري ، انت ضليت قومي وخلتهم يعبدوا العجل! هنحرقه ونرمي في البحر!..
فعلا سيدنا موسى أمر بني اسرائيل انهم يحرقوا صنم العجل وبعد ما ساح ألقوه في البحر...
السامري ترك بني اسرائيل ، ربنا صاب السامري بمرض خطير؟! مرض جعل كل الناس تهرب منه من شدة خوفهم انهم يصبهم المرض من السامري لحد ما راح عاش في جزيرة ومات فيها!
عذاب ربنا في الدنيا انه بقى شخص منبوذ
أما عن عذاب الآخرة فالنار ستحرقه!..
بعد ما سيدنا موسى دمر العجل وهدي من غضبه جمع الألواح مرة أخرى ، جمع بني اسرائيل وقال لهم:
- أنا التقيت بربي وأخذت منه الالواح ، الالواح هي التوراة فيها شريعتكم فيها أوامر الله ، ما يحل لكم وما يحرم عليكم فأعطوني العهد انكم تطيعه ما جاء فيها..
ردوا بني اسرائيل على موسى عليه السلام:
- لأ يا موسى مش هنطيعك في حاجة أحنا ما نعرفهاش! الأول أقرأها علينا يمكن ما تعجبناش!
غضب سيدنا موسى وقال:
- أنا رسول من الله وده أوامر من الله ازاي لا تطيعون الله بعد أن نجاكم
قالوا:
- لن نطيعك يا موسى الأول أقرأها علينا نطيعك!
رد سيدنا موسى وقال:
- أنتم مش مصدقني بعد كل المعجزات اللي شفتوها أنتم قوم ظالمين لانفسكم!
ردوا بني إسرائيل:
- احنا مصدقينك لكن لازم نتأكد من المكتوب في الألواح الاول واذا اعجبتنا أعطيناك العهد!
ربنا غضب عليهم غضب شديد ونزل عذابه في اللحظة دي على بني إسرائيل ؟!
فجأة وهما بيجادلوا سيدنا موسى ، جبل الطور أهتز ، زلزال قوي ، أرتفع الجبل من تحت أقدامهم! فضل الجبل يرتفع لحد ما شافوا أغرب شيء؟! شافوا الجبل فوقهم! الجبل بقى مغطي السماء كأنه ظل!
بني اسرائيل تحت بيبصوا على الجبل وهو فوق منهم في مشهد عجيب تخيلوا ان الجبل هيقع عليهم!..
في اللحظة دي قال سيدنا موسى لبني اسرائيل:
- خذوا ما آتيناكم بقوة واسمعوا وأطيعوا ما فيها دون اعتراض!
ردوا بني اسرائيل على سيدنا موسى وهما مرعوبين:
- سمعنا وأطعنا
قبل ما يحصل مشهد غضب ربنا على بني اسرائيل عصوا أمر ربنا لكن لما نزل عذابه أطاعوا!
أطاعوا بالقوة مش عن إيمان راسخ في قلوبهم هما لسه مسيطر عليهم حادث العجل وشربوه وترسخ في قلوبهم!
سيدنا موسى كان عايز يعتذر من ربنا على كُفر بني اسرائيل لما عبدوا العجل ، فسأل بني إسرائيل:
- في حد ماعبدش العجل؟
ردوا بني اسرائيل وقالوا:
- كلنا عبدنا العجل ماعدا سبعين رجل لم يعبدوا العجل ولم ينهونا عن عبادته التزموا الصمت!
قرر سيدنا موسى يأخذ السبعين رجل لأنهم أفضل ما في بني اسرائيل عشان يتقربوا ويستغفروا لقومهم..
مشي سيدنا موسى ومعاه السبعين رجل من بني اسرائيل ، أول ما طلعوا جبل الطور ، فضل يهتز ، اهتزاز شديد غضب من ربنا! سيدنا موسى سجد وتضرع لله ودعا ربنا يغفر له ولقومه وقال موسى لربنا:
- أنَ هودنا اليك فأغفر لنا يارب
ربنا قبل دعاء سيدنا موسى وغفر له ولقومه وجاءت هدنا إليك اسم لبني اسرائيل ( يهود ) توقف الزلزال وقال سيدنا موسى للسبعين رجل:
- انتظروني هنا
صعد سيدنا موسى للجبل ، السبعين رجل شافوا غمامه حجبت رؤية سيدنا موسى ؟! غمامة إحاطة سيدنا موسى وهو داخل للجبل وبعدها سمعوا صوت سيدنا موسى وهو يتحدث مع الله!..
بعد ما أنتهى سيدنا موسى من لقاء ربنا ارتفعت الغمامة ، فالسبعين رجل رجعوا وشافوا سيدنا موسى ، فسيدنا موسى قالهم:
- سمعتم كلام الله؟
ردوا السبعين رجل:
- يا موسى لن نؤمن بك حتى نرى الله جهرًا!
مجرد ما قالوا كده لسيدنا موسى ربنا غضب عليهم غضب شديد! أنزل الله عليهم صاعقه قتلت السبعين رجل!
سيدنا موسى بكى وقال لله:
- يارب هم أفضل ما عندي من القوم! كل قومي كفر بك
فضل يبكي سيدنا موسى ويدعي ربنا ، ربنا قبل دعائه فربنا أحيه السبعين رجل مرة اخرى!..
وبرغم المعجزة وبعثهم للحياة مرة اخرى ظلوا مترددين في إيمانهم بالله!..
هنا جاء الأمر من الله ، ربنا أمر سيدنا موسى أنه يتحرك ببني إسرائيل إلى ( إلياء ) وهو الاسم القديم لبيت المقدس ، وربنا كمان أمر موسى عليه السلام أن يبلغ بني إسرائيل أن يقتحموا بيت المقدس ويحرره من قوم العماليق؟! ..
كان في قوم جبارين مُسيطرين على بيت المقدس ؟!
قوم عمالقة ، ضخام الجسم ، جبارين ، الواحد منهم بألف شخص من بني إسرائيل!
بني اسرائيل خافوا يدخلوا بيت المقدس ، سيدنا موسى وقال لهم:
- اذهب أنت وربك وحاربهم يا موسى لن ندخل بيت المقدس ما داموا فيها!
رد موسى عليه السلام:
- ربنا وعدكم بالنصر ، ربنا وعدكم ان بيت المقدس ليكم فهي أرض الله المقدسة!
٦٠٠ الف اسرائيل لم يطيعوا سيدنا موسى غير هارون عليه السلام فقط اللي طاعوا من ٦٠٠ ألف إسرائيل!..
سيدنا موسى قال لربنا:
- ربي لا أملك إلا نفسي وهارون ، يا ربي أنزل عذابك على القوم الفاسقين
هنا ربنا غضب عليهم وحرم بيت المقدس على بني إسرائيل ؟! جعلهم تايهين في الصحراء لاربعين سنة!..
غمامة كانت بتضل بني إسرائيل ؟ كانوا يمشوا وسط الصحراء ، يلفوا ويرجعوا لنفس النقطة تاني ، ماكانوش بيشوفوا بيت المقدس من الغمامة اللي بتمشي معاهم !.. فضلوا على كده أربعين سنة تايهين في الصحراء..
وده وقت التيه اللي عاشوها بني اسرائيل اربعين سنة في الصحراء..
ربنا كان بينزلهم من الغمامة السلوة ( طيور يخدوها يشوه وياكلوها) والمن ( نبات كان بيخرج لهم عسل )
وكذا عاشوا بني اسرائيل اربعين سنة تايهين مش عارفين يدخلوا بيت المقدس عقاب ليهم من ربنا!..
في وقت التيه حصلت قصص كتير مع سيدنا موسى ؟ قصة موسى والخضر ، وقصة موسى والبقرة ، وفي وقت التية مات الجيل اللي عبد العجل..
ومات هارون عليه السلام وفي نهاية التية مات موسى عليه السلام..
قبل ما يموت سيدنا موسى طلب من ربنا انه يموت في أقرب مكان لبيت المقدس ، مشي سيدنا موسى مع قومه لحد ما وصلوا لتله كبير صخرة كانت حاجبة رؤية بيت المقدس ، ماشفش سيدنا موسى بيت المقدس ولا بني اسرائيل!..
سيدنا محمد بيقول عن مكان دفن سيدنا موسى
دُفن موسى عند الكثيب الاحمر على الطريق إلى القدس ولو كنت هناك كنت رأيتكم أين مكان قبره..
بعد موسى جاء سيدنا داوود نبي على بني اسرائيل لم شمل بني اسرائيل من تاني على يد طالوت وتحرير بيت المقدس من العمالقة ومات سيدنا داود وجاء من بعده نبي الله سيدنا سليمان...
المصادر
قصص الانبياء للشيخ طارق السويدان
كتاب البداية والنهاية لابن كثير الجزء الاول
.
تعليقات
إرسال تعليق