كما تدين تدان

#سيدنا_موسى_الحلقة_الاولى

#حلم_فرعون_مصر

#آسية_زوجة_فرعون_مُربية_موسى_عليه_السلام

بعد خروج سيدنا يوسف من السجن و ظهور براءته أمام القوم وبعد أن أصبح عزيز مصر والمقرب من الملك ، بسبب تفسيره لرؤيا الملك ، وإنقاذ مصر من مجاعة هتحصل في المستقبل بتدبير من الله لتكريم سيدنا يوسف.. 

سيدنا يوسف بعت لوالده سيدنا يعقوب وزوجاته الثلاث واخوته ، جاءه لمصر والى ان سجد الأب سيدنا يعقوب لابنه واخوته  وتحقيق النبوءة بالحلم السابقة لسيدنا يوسف.. 

عاشوا اخوات يوسف ووالده في مصر وبقوا من اشراف مصر ، أصبحوا قوم من الأغنياء وسادة مصر ، اشتغلوا في التجارة و بقوا اكتر عدد بعد ما  تزوجوا من المصريين.. 

مات سيدنا يعقوب ومن بعده سيدنا يوسف.. 

تعقبت الأزمنة والحكام ، في زمن سيدنا يوسف ملك مصر كان العرب يلقبونه باسم ( الريان بن الوليد )..

لكن لما مرت السنين جاء حاكم بعد ( الريان بن الوليد ) وكان هو ( قابوص بن مصعب ) كان حاكم ظالم هو اللي بدأ في ظلم بني إسرائيل اخد أموالهم وأصبحوا عبيدا بالنسبة له.. 

لحد ما جاء حاكم اخر ظالم وتغير لقب الحكم من ملك لفرعون ، بالمناسبة كلمة ( فرعون ) مش اسم شخص فهو لقب ومعناه حاكم مصر زي مثلا ( العزيز ) ده لقب الوزير.. 

يبقى كلمة ( فرعون مصر ) معناها حاكم مصر..

فرعون مصر اللي جاء بعد قابوص كان اسمه ( الوليد بن مصعب ) وده عند الاقباط المصريين هو ( رمسيس الثاني ) فرعون مصر في زمن موسى.. 

وصاحب الصراع... 

زوجة فرعون مصر كانت اسمها ( آسية بنت مزاحم ) من المصريين الاقباط.. 

وكانت من اسرة مؤمنة بالله الواحد لانهم وتأثره بدين بني اسرائيل وسيدنا يوسف ويعقوب عليهما السلام..

مصر  انقسمت إلى طبقات في عصر رمسيس التاني؟!

طبقة كفار وعبدة أصنام ودول هما فرعون وحاشية فرعون وحتى الشعب وده كان خوف منهم لأن فرعون كان طاغية وكان بيقول انه اله فالمصريون كانوا بيعبدوا خوفا منه..

لكن كان في قلة وهي اللي بتعبد الإله الواحد ودول اللي تأثره بدين بني اسرائيل و بسيدنا يوسف وسيدنا يعقوب ومن ضمن القلة دول هما اسرة اسية زوجة فرعون مصر..

فرعون اتجوز آسية بالعافية! وابوها المؤمن ماكنش قدامه حاجة يعملها لانه عارف لو رفض هيموت هو وأسرته كلها على ايد فرعون وفي الاخر برضه هياخد آسية!..

جه فرعون مرة لأبو ( آسية ) وقال له:

- انا عايز آسية تكون زوجه لي

والد اسية رد وقال لفرعون:

- آسية لسه صغيره وانا مش هجوزها دلوقتي

رد فرعون بغضب:

- لأ آسية خلاص كبرت وغير كده انا مش جاي استأذنك انا اخدت القرار ولو وقفت في طريقي هتلاقي الجحيم في انتظارك!

الأب المسكين خاف على عائلته من بطش الظالم فرعون فوافق! راح لبنته ( آسية ) وقال لها:

- فرعون طلبك للجواز وانا وافقت عليه!

ردت باستغراب:

- هتجوزني لواحد كافر!

رد وقال لها:

- يا بنتي مش قدامي حاجة ، فرعون قادر انه يموتنا كلنا وهياخدك برضه في الآخر!

اسية وافقت لانها خافت على ابوها الكبير في السن وامها من الأذى اللي هيتعرضوا له من فرعون فوافقت.. 

اتجوزت آسية فرعون مصر ، لكن فضلت على إيمانها وفضلت كاره فرعون الكافر.. 

القرآن كرمها بمنزلة عايلة

سيدنا محمد قال 

كمل من الرجال كثير وكمل من النساء قليل وهم اربعة ( اسية امرأة فرعون ، ومريم بنت عمران ، وخديجة بنت خويلد ، وفاطمة بنت محمد ) .. فيما معنى الحديث ان من الرجال جه انبياء كتير لكن من النساء كانوا قليل واخص اربعة من النساء..

وربنا بنى لها قصر في الجنة هبقى احكي قصتها لما يجي وقتها في المقال مع تتابع حلقات القصة..

فرعون قسم الشعب الى طبقات كمثال مصريين درجة اولى ودول فرعون واتباعه من الوزراء وقصره ، والخ الى ان وصلت في اخر طبقة بني اسرائيل وهم العبيد!.. 

كان بيستعبدهم ، ويشغلهم في بناء الأهرامات والمسلات ، واخدوا أموالهم وبقو عايشين في مكان بعيد عن الأغنياء والطبقات العُليا في مصر..

حتى شعب مصر كانوا خايفين من جبروت فرعون وطغيانه ، كانوا خايفين على المناصب والأموال فأطاعوه فرعون .. 

تجبر اكتر فرعون لأنه ملقاش حد يقف قصاده ويقول له لأ اللي بتعملوا ظلم .. 

وصل بيه الامر انه قال

" انا ربكم الاعلى "

شعب مصر كله بلا استثناء عبدوا فرعون إلا  بني اسرائيل كانوا على دين يوسف ويعقوب ... 

ودول كانوا  قليلة جدا وسط شعب كامل كافر بيعبد فرعون ، وده خوف من الشعب ليس الا مش عن اقتناع..

في يوم من الايام صحي فرعون مصر من نومه مفزوع ، صحي خايف وبينزل عرق من كل جسمه ، خرج بره الاوضة بسرعة ، أمر هامان؟ هامان ده يكون وزير فرعون وزير الدولة في الوقت ده وبرضو مش اسم لشخص كان لقب ... 

فرعون أمر هامان انه يجمع كل السحرة بتوعوا والعلماء والكهان؟!

استغرب هامان ، ليه فرعون خايف ومرعوب كده ومش عارف ياخد نفسه؟ جري وجمع كل السحرة والكهان والعلماء زي ما أمر سيده وحضروا كلهم في القاعة..

فرعون قاعد على كرسي الحكم متوتر جدا ، قام من مكانه وقال للكُهان والعلماء و السحرة:

- أنا صحيت مفزوع من نومي على حلم غريبة جدا! انا شوفت نار عظيمة شديدة جدا خارجه من بيت المقدس وجات على مصر! حرقت كل قصور وبيوت واراضي مصر! وحرقت قصري انا كمان ، لكن النار دي مقربتش من بيوت بني إسرائيل؟! النار حرقت بيوتنا احنا وطلعت للسماء!.. 

افتوني في تفسير الرؤيا دي؟

بصوا لبعض وكان على وشوشهم الرعب!

واحد من السحرة قال لفرعون:

- يا مولانا و إلهنا العظيم الرؤية تفسيرها خطير جدا؟! التفسير بتقول ان زوال حكمك وهلاكك هيكون على ايد واحد من بني إسرائيل! وغير يا مولانا ان سمعت نبوءة تتردد ما بين بني إسرائيل أن هيتولد طفل من بني إسرائيل هيحاربك ويقضي على حكمك!

فرعون غضب جدا وخاف على نفسه وعلى الكرسي بتاعه فأصدر قرارات مهمة لتنفيذها وكانت القرارات دي هي؛

يتم قتل أي طفل يتولد جديد من بني إسرائيل! اي ام في بطنها ولد بطنها تنشق وميخرجش للحياة!.. 

اللي هيخفي من الشعب أو الجنود على طفل يتم قتله..  وقال للنساء اللي بيشتغلوا مهنة التوليد انهم لو بلغوا على طفل هيكون ليهم مكافأة عالية ... 

فعلا جنود فرعون هجموا على بيوت بني إسرائيل وأول ما كانوا يشوفوا طفل رضيع ياخدوا بالقوة من يد الأم ويدبحوا يقطعوا رأس الطفل الرضيع!..

الام الحامل تنشق بطنها وتموت مع طفلها..

يتبع..